Toshkentda Me'mor//2023 arxitektura ko‘rik-tanlovining g‘oliblarini taqdirlash marosimi o‘tkazildi

Arxitektura – bu faqatgina inshoot yoki shunchaki oddiy devor emas: III Me'mor arxitektura tanlovining yakunlari e'lon qilindi

Toshkentda Me'mor//2023 arxitektura ko‘rik-tanlovining g‘oliblarini taqdirlash marosimi o‘tkazildi. Mukofot 2022–2023 yillarda O‘zbekistonda yaratilgan eng yaxshi arxitektura, dizaynerlik, urbanistik va jurnalistik ishlarni qayd etdi.

30-sentyabr kuni “Ilhom” teatrida Me'mor//2023 g‘oliblarini taqdirlash marosimi bo‘lib o‘tdi. KNAUF kompaniyasi bu tadbirni O‘zbekistonda uchinchi marta o‘tkazmoqda. Bu yilgi mazvuni tanlashda tashkilotchilar dunyoga mashhur arxitektor, Pritsker mukofotiga sazovor bo‘lgan ilk ayol – Zaha Hadidning “Arxitektura – bu faqatgina inshoot yoki shunchaki devor, deb o‘ylamayman. U bizni tinchlanish, idrok qilish uchun uyg‘otishi lozim. Arxitektura – bu inson o‘zini makonda qanday his qilishidir”,- degan so‘zlaridan ilhom oldilar.

Tashkilotchilarga butun respublikadan 332ta ariza kelib tushdi. Short-listga arxitektor va interyer dizaynerlaridan 38ta, soha OTMlari talabalaridan 12 ta ish va jurnalistlardan 10 ta ish kelib tushdi.

“Me'mor tanlovi respublika ko‘lamiga chiqqani bizni quvontiradi. Bu gal 2021-yildagiga qaraganda 37% ko‘proq ariza oldik. Har bir loyiha muhim, chunki u arxitektorlar, urbanistlar va shaharsozlar mamlakatimizning bo‘lajak arxitektura qiyofasini qanday ko‘rishlarini namoyon etadi.

Muhimi – tanlov ishtirokchilari xorijiy hay'at fikr-mulohazasi bilan tanishishlari mumkin. Bu odatiy yondashuvlar va yechimlarga yangicha nazar tashlash imkonini beradi, shuningdek kelgusi kasbiy kamolot uchun rag‘bat bo‘ladi. Me'mor//2023`da qatnashgan barchaga minnatdorlik bildiramiz. KNAUF kompaniyasi O‘zbekistonda hayot sifatini oshiruvchi loyihalarni qo‘llab-quvvatlashda davom etadi”,- deya, qayd etdi KNAUFning O‘zbekistondagi korxonalari rahbari Dmitriy Deripalko.

An'anaga ko‘ra, eng yaxshi loyihalarni xalqaro hay'at saraladi. Me'mor//2023da O‘zbekiston, Gruziya, Ruminiya, Ukraina, isroillik arxitektorlar, loyihachilar va urbanistlar hakamlik qildilar. Ular yechimlarning kreativligi va innovatsiyaga boyligini, obyektlar estetikasi va funksionalligini, mahalliy arxitektura an'analariga rioya etilgani va barqaror arxitektura g‘oyalariga amal qilinganini baholadilar.

“Me'mor arxitektura tanlovi soha vakillari keng yo‘l ochadi: talabalarga – bo‘lg‘usi kasbiy faoliyat uchun, arxitektorlarga – sog‘lom raqobat muhiti uchun. Mamlakat va shahar uchun esa, bu musaffo arxitektura havosidan nafas olish demakdir.

Taqdim etilgan loyihalarning yuqori darajada ekanligini qayd etmoqchiman. Interyer va individual uylarning ajoyib loyihalarini ko‘rdim. Ammo ko‘p qavatli qurilishlar borasida O‘zbekiston qaysi yo‘nalishda rivojlanayotgani to‘g‘risida o‘ylab ko‘rish kerak: autentik arxitektura saqlanib qoladimi yoki zamonaviy va go‘zal obyektni yaratib, shu bilan birga taniqlilikni asrab qolish uchun betakror yechim tanlaydimi. Shuningdek, landshaft loyihalashtirishga, va umuman shahar muhitini loyihalashga ko‘proq e'tibor berish lozim”, — dedi, Me'mor//2023 koordinatori Nataliya Xilko (Ukraina).

Me’mor//2023da amalga oshirilgan obyektlar bilan bir qatorda ro‘yobga chiqarish bosqichiga yetib bormagan loyihalar ham qatnashdi. Umumiy mukofot fondi 215 mln so‘m bo‘ldi. Ikkita maxsus toifa – gran-pri va eng yaxshi jurnalistik materialdan tashqari, Me'mor//2023 hay'ati yana 3 ta loyihani e'tirof etishga qaror qildi. Taqdirlash kuni tanlovning short-listiga kirgan loyihalar ko‘rgazmasi o‘tkazildi.

Me’mor//2023 sovrindorlari: arxitektorlar va interyer dizaynerlari

Me’mor//2023 sovrindorlari: talabalar

Me’mor//2023 sovrindorlari: maxsus toifalar

Taqdirlash marosimidan suratlar